NYIMBO CIA IBUKU 115 - 139

ANDU OTHE ARIA AHONOKU 1. Andu othe aria ahonoku Hunjagiai uhonokio, Muhunjirie andu othe, Tondu Jesu ni amuhete. Ni ngenete muno ma. Ni gwitikia Mwathani. Angorire ndiirigitwo. Akinduta mehia-ini.   2. Inyui mutumitwo. Kwi ng’ondu iria ciurite, Muthii mugaciire atiri, Uhonokio ni mukinyu.   3. Ni etire Arutwo ake Akimahe hinya wothe, Mahonanagie mirimu. Na kuingata ndaimono.   4. Ni erire Arutwo ake, Magere njira yake. Nayo ni ya kunyarirwo Na kumenwo ni andu,   5. Thakame ya Jesu Kristo, Ni itutheragia ithuothe. Na irema cia micumari, Ni agatuonia akenete.   6. Ihinda-ini ria muthia. Ni ngakenaga ngiinaga, Ndona ngitaranirio Hamwe na andu aria atheru.   7. Ihinda-ini ria muthia, Waganu ni ukaingiha. Na wendani wa Mwathani Ni ukaga ha kuhuruka. (Amina)

  THUTHA WA NDUMA NI UTHERI MUNENE 1. Thutha wa nduma ni utheri munene Wa kunyarata maundu mothe. Njiurwo ni gikeno ndimugoce. Hingo ino ndi thi na ndathii iguru   Tiga ni Jesu nii ndingiraina, Ona indo ciothe ingiri o ciakwa, Tondu magerio ni mandigiciirie, Hitho-ini ciothe cia mwiri wakwa.   2. Noguo gutarii nii ndi ona Jesu, Matuku mothe itari na nganja. Ngoro yakwa horera wetereire, Wi murata wa Mwathani Jesu.   3. Ndiinaga na ngenete nginya acoke Njira-ini njeru na ya gikeno. Ngoro-ini njetereire muhonokia, Oke tuthii nake ngahuruke.   4. Na riu maria mothe ndirionaga Moru na mega ma kwendekana Ndikenaga njuthiriirie Mwathani Nginya agoka ahe muoyo mweru.   5. Ndakinya iguru ni ngona Mwathani Ngamumenya ni undu wa irema Cia micumari iria athecirwo Moko na maguru ni undu wakwa. (Amina)

GUKA KWA MWATHANI JESU 1. Guka kwa Mwathani Jesu Ni gukagia na thina, Niundu wa aria matamuui Andu aingi ni makarira. Aria othe magakorwo thi Ma muona agiuka riera-ini.   2. Andu aingi ni makaigua Karumbeta kahuhwo, Aria akuu na aria me muoyo.   3. Aria makaigua kagamba, Aria akuu mambe mariukio. Na ithui tugarurwo miri.   4. Atheru ni makariukio Iriukiro-ini ria muoyo Niguo mathii gikeno-ini   5. Ehia othe ni makariukio Iriukiro-ini ria cira Niguo matwarwo mwaki-ni   6. O mundu ni oige eke uria ekwenda Na uria ungi eke uria ekwenda Na mumenye gutiri iru Ritagaturio he Ngai   7. Gukena ni aria matuire Mamenyereire mathani Tondu ni makariririo Ni Roho hindi ya cira.   (Amina)

   JESU OKIRE TA GAKENGE 1. Jesu okire ta Gakenge Guku thi-ino enyihitie, No riria agoka ria keri, Agoka ta muthamaki.   Ni oigire a mutharaba-ini, Wira wake ni wathira. Niwathira niwathira. Wira wakwa niwathira.   2. Niatonyire thunagogi, Na agitia ibuku ria Is   3. Niahunjirie kundu kuingi, Na akarara irima-ini. Akahoyaga e na kieha, Akihoeranga ngoro cia andu.   4. Na hindi yake yathira. Akinyitwo ni Ayahudi. Akihuruo na agithinio, Na akiuragwo niundu witu   5. Nietire Arutwo ake, Akimahe uhoti woth Thiini mukahunjie uhoro, Wa uthamaki wa matu-ini.   6. Aria othe magetikia Meragei nimoherwo. Honanagiai mirimu, Namuingatage ndaimono.    7. Muhetwo o uguo tuhu, Heanai o uguo tuhu. Mugatume andu a nduriri, Matuike Arutwo akwa.   8.  Niatigire amarathima, Na irathimo cia matu-ini. Agicoka akiiyukio, Ni itu na akiambatio iguru.   9. Na uguo noguo agacoka Agiuka kwananga thi ino. Ikaragai mwiiguite. Tondu agacoka ta muici. ...

  KARUMBETA KAHUHWO RIERA-INI 1. Karumbeta kahuhwo riera-ini Roho niakambata na aria atheru Magathamake hamwe na Jesu Nao aregi a watho maikio riiko   2. Kiriro kiingi mucii wa iguru, Kuri andu aria maregire utheri Ngoro ciao cikaire icungite Maciaro matoro ni mwaki-ini   3. Kuuma umuthi rora ngoro yaku Ta muriithi muugi ari weru-ini Aroraga wega ng'ondu ciake. Ni kumenya wega thu ni nyingi.   4. Ngwaria njuthiriirie kuri Baba Hana ta ndi muhingi wa wira Ngiatha ndungata ciothe ciitherie, Othe mendane na matuike umwe   5. Utheru naguo uhana kirima, Gacumbiri niho hari itura. Jerusalemu mucii muthaka. Kimuri kiaguo ni Roho wa ma.   6. Gikeno kiingi mucii wa iguru  Kuri aria mahotete mbara-ini  Tondu makonanaga na  Ngai Ithe na Muriu hamwe na Roho.   (Amina)

 MWATHANI OIGIRE MATUIRO 1. Mwathani oigire matuiro, Matakagaruruka, Na akiuga agacoka guka, Ta matuku ma Nuhu: Ta uria atonyire thabina, Thi ikininwo na gikuu.   Kiiguei na inyui mumenye, No taguo, Mugatuirwo ni Roho ambata.   2. Ngai uria wa Iburahimu, Kihoti wa Jakubu, Ta uria acinire Sodomu, Loti arikia kuuma kuo: Gugitiririo ubiriti Na mwaki uhana mbura.   3. Jehova nianyaririre, Misiri akigegania; Na andu aria ahuranagira, Makiaga kumwihoka Nake akihita mwihitwa, Mathirire weru-ini.   4. Mithenya iria Roho akoiga, Nindanina magetha; Njangite migunda yothe, No mahuti ndatiga: Hindi iyo thi ni ikahihio, Na indo ciothe iria iri kuo.   (Amina)

  THAKAME YA JESU NI YA GORO MUNO 1. Thakame ya Jesu ni ya goro muno Niyatheririe ngininirwo mehia Uka riu uthambio thakame-ini yau? Ya Jesu Muhonokia. O riu wihoke Jesu, wihoke Jesu. Wihoke Jesu niwe Muhonokia, waku Akumenyerere, niegukumenyerera Akumenyerere ugwati-ini.   2. Murigo waku niukunogetie. Umurehere Mwathani Jesu Muhonokia na murata waku. Uthabio thakame-ini.   3. Wiyathi witu nituhetwo. Twina wiyathi witu wa matu-ini. Uka riu uthambio thakame-ini. Yau? Ya Jesu Muhonokia.   4.  Ndakoretwo ngithinika muno, No Mwathi Jesu niwe mwene tha nyingi, Uka riu uthambio thakame-ini. Yau? Ya Jesu Muhonokia.  (Amina)

 INO NI HINDI ITU NJEGA 1. Ino ni hindi itu njega. Ya mundu ecuranie. Haria hega agaikara. Gitumi Mwathani akirie guuka.   2. Karumbeta kahuhwo, Jesu niagacoka thi. Aiyire arata ake. Aria mamwihokete.   3. Aria maregire Jesu, Makoiga ui iiya. Mambararie maguru Na moko niguo mamuhikire.   4. Nake Jesu niakamera Thiii Thiii ndimui Ndiui kuria muumite Maritwa manyu ti mandike.   5. Riai na munyue na mumenye Sodomu na Gomora, Makoriruo makiria na makinyua Na makiguranaga.   6. Ui- iiya bururi uyu, Wi ng’aragu na nyota. Honokia ni Jesu Kirindi Tondu niamukuiriire.  (Amina)

 CIUGO MUGWANJA CIA MUTHARABA-INI 1. Ciugo mugwanja cia mutharaba-ini, Tungiciiga muno ngoro-ini ciitu. Ciaturuta kumucaria Mukuri, Uria watukuiriire muti-ini.   Tumucarie, Tumucarie. Mukuri Mwathani witu. Tumucarie, Tumucarie. Mukuri Mwathani witu.   2. Mukuri witu Jesu nioigire, Mohere matiui uria megwika. Nguo ciake magiciunira miti, Ta uria mbere iyo kwarathitwo.   3. Jesu niukandirikana wacoka, Jesu akimucokeria akimwira Itikia riu niurikorwo na nii. Kuria maroho ma andu atheru mari.   4. Kuuma riu uyu niwe maituguo, Nawe maitu uyu niwe muruguo. Ciugo icio nicio Jesu aririe, Niundu wa kieha gia gutiga Arata.   5. Naho hao hetagwo Gorogotha. Jesu akianirira akiuga. Eloi. Eloi. Ramasabakithani. Ngai wakwa wandiganiria niki? Wee Ngai Baba. Ngai Baba, Oya Roho wakwa riuuuu. We Ngai Baba. Ngai Baba. Oya Roho wakwa riuuuu.   6. Thakame yarikia guitika muno. Jesu akiuga riu ninyotii. Makimuhe thiki na kamurangi, Akiuga riu uhoro niwathira.   7. Na c...

   NDAIMONO ITIKANANGUHIRIRIE 1. Ndaimono itikananguhiririe, Na nii ndigacikuhiririe. Ndiikaraga hari Mwathani, Ndi na gikeno I Mwathani njoya.   2. Ni wanjoire ndi na maithori, Na ninjui ni magathira. Nduike njamba ya gutorania, No ngatungata Mwathani njoya.   3. Mwathani ndukanandekererie, Tondu niwe muhitithania. Hari Caitani ndakananyite, I muhitithania. I Mwathani njoya.   4. Nindetikira thambio na mai Moimite mbaru cia Mwathani Nduike njamba ya gutorania I nongatorania Mwathani njoya.   5. Ndiriikaraga hari Mwathani Niguo ngaheo tanji ya muoyo Igukenga gukira ira Gukira ira gukira ira Mwathani njoya.   (Amina)

MUHONOKIA E HAKUHI 1.   Muhonokia e hakuhi. Na niwe watukuiriire. Nao andu ake amure niakongania. Hakuhi Jesu e hakuhi, E hakuhi o muromo-ini. Ni eguka ni eguka arungii muromo-ini   2. Maruri nimaratuonia. Ati riu e hakuhi. Nao aria mandikitwo, Iguru nimamwetereire.   3. Thi-ino mbara ndigathira Ikeno thayu gutiri. O nginya Jesu acoke Kunina waganu.   4. Thi-ino yarikia guthambio, Tugacoka gutura kuo. Tuture mindi na mindi Tutigakua ringi.   (Amina)

NGOMA NI MURU 1. Ngoma ni muru matu-ini acukire Araika aria atheru, Akimagayania gicunji kimwe. Gigituika giake. Jehova mena Jesu, Na Roho wa uthingu, niagucokerereria; Ngoma na araika ake,na maroho make Magacihurunja.   2. Hindi iria Ngai ombire indo ciothe, Niacicokereirie He Adam, ngoma ithe wa maheni, Agicihurunja   3. Ucio niwe nyina wa gicambanio, Na ithe wa maheni; Ndacokagiriria, no kuhurunja Andu othe aria athingu.   4. Ngai niamenyithirie Iburahimu, Niagacokereria, Nduriri ciothe cia thi-ciumburirwo Watho wa Jehova   5. Umuthi menyai Muru wa Ngai, Niehitiiruo atuike Mwathani wa gwatha nduriri ciothe, Na araika aria atheru.   (Amina)

RIRIKANA JUSUFU 1. Ririkana Jusufu rĩrĩa endirio Misiri Aririkana nyina na andũ arĩa mamwendete   Hoya. Ii Hoya Ngai ndũgũkua.   2. Nuhu akire thabina yakũhonokia andũ Arĩa makararirie makĩninwo na kĩguũ   3. Iburahimu agerio orage mwana wake Wĩtĩkio wake wonwo Isaka ndoragirũo   4. Ngwirĩrĩũria ruĩtĩki rũrĩa Lazaro arĩaga Gĩtonga kĩarĩa wega gĩtũraga kwa ngoma   5. Daniel ũrĩa wa tene aikio irima rĩa-ngatia Ngai akĩmũhonokia tũnua-inĩ twa mĩrũthi   6. Elija ũrĩa wa tene ambatirio e muoyo Ucio nĩ ũira wama twakua tũtigathira   7. Ayubu ũrĩa wa tene arwara ndagũkanire Tondũ wa gũkwihoka agĩtoria magerio   8. Mwĩrĩ ũgĩtangĩka ndĩraga ngoro yakwa Ngai wakwa ndeithagia ũtukũ na mũthenya. (Amina)

GITINA KIA MAITHO MA NGORO NI MATHANI 1. Gitina kia maitho ma ngoro ni mathani, Ngoro iria itari na mathani ndiri maitho, Na ibuku ni riua riria ri utheri wa thi.   2. Nake Iburahimu hinya wa irikaniro; Niagakoruo arungii na ciana ciake igiri oige andu, Othe nimetwo, Moime ituri inya cia thi.   3. Mwathani niakonwo ni mihiriga yothe, Riria agaikuruka na miago na Araika, Mamutongoretie, magwete indo cia mbara.   4. Jesu niakegoca na urimu wa tukenge; Egoce na ithua na cionje na atumumu; Aria ogi mateo, na aria anene manyihio. (Amina)

  NGAI URIA WOMBIRE RIUA NA MWERI 1. Ngai uria wombire riua na mweri, Na akiumba thi na iguru, Na njata, niarutire Muriu athinjwo ta mburi, Aiguithanie nduriri. Mwirutei miiri yanyu yuragwo, Ituike ya igongona.   2. Indo iria inungaga wega, Iri muoyo theru cia magongona Ni miugo ya andu aria ega, na atheru, Riria mekuririkanwo.   3. Tene Jehova athaithagwo Ni ahoi na ng’ombe Na ndurume na hako, Na akiuga itimukenagia Na akiirega na itingimuhoreria.   4. Inyui mumite gikuu-ini, Kwa ngoma Mugaciarwo Na Roho Wa Ngai Mugocei mwi na hinya wa Roho, Ithe witu wa Iguru.   5. Nderiiruo muoyo uria wa ma ni Jesu, Muthenya uria anjitire; Na nii ngioya mutharaba Ngenete hurane na magerio.   6. Ngutura ndimugocaga Ngai uyu Nikunjiyuria Roho wa Ngai, Hotage magerio mothe o biu, Maria mena Caitani.  (Amina)

NDACIARIRWO NO NJĨHAGIA 1. Ndaciarirwo no njĩhagia Nĩngwĩrira rĩu, Ngwenda njoke kũiguana na Ngai, Baba wakwa reke njũke harĩ we.   2. Mwĩrĩri nĩ mwega atĩa Ta mwitĩa mbia cia igoti? Wehũrire gĩthũri akiugaga Ndĩ mũndũ mwihĩa Mwathani njohera.   3. Rũcĩarwo rũa Adam Nĩ rwaregire Mwathani, Tiga mũndũ ũmwe wao warĩ mwega, Nuhu akĩhonokia na ciana ciake.   4. Kenai nĩ mwĩrĩirwo kĩheo igũrũ, Mwona ndathiĩ kwa Baba nĩ ngacoka; Hoyagaĩ nginya ngoka kũrĩ inyuĩ.   5. Kenai nĩ mwĩrĩirwo kĩheo igũrũ, Honokia arĩa matariĩ ta niĩ Baba, Nĩgetha moherwo mehia mao.   6. Ndigacoka gwathwo nĩ mathĩna ma thĩ-ĩno No ngwenda njoke kũiguana na Ngai; Ndingĩte mũndũ ũkĩte kũrĩ niĩ.   (Amina)

   MERIRIRIA MA MWIRI WAKWA 1. Merirĩria ma mwĩrĩ wakwa, Nĩmo toro ona gĩkuũ kĩa ngoro. Nĩ ũrugarĩ wa kahinda kanini, Tondũ ũcĩo arahũka. Arahũka, Arahũka, Tĩga kũgonderera. Jesũ e hakuhi gũka, Na ndeguĩkara.   2. Ririkana airĩtu ikũmi. Arĩa metereire mũhikania. Amwe magĩthiĩ gũcaria maguta, Mũhikania nake agĩũka.   3. Mwathani nĩekwenda ũtige. Merĩrĩria macio - ma gũkũ thĩ. Unyĩte njira ya gũthiĩ matũ-inĩ, Mũhikania atanakinya.  (Amina)

  THIKIRIRIAI NA MATU 1. Thikiririai na matu Na mumenye na ngoro, Ati kigongona nikio kirutaga andu, Aria anyinyi na anene ukombo-ini wa mehia; Na giakagwo bururi Wi kirikaniro. Kigongona gitumaga Andu moime ukombo-ini, Riria makaira Ngai Mamung’etheire.   2. Muthinjiri uria watuire Bururi wa Kanani, Niwe waurathimire,na akiwamura; Iburahimu akirwo Ni Jehova athii agaake, Githinjiro kuu thi iyo yari irathimo.   3. Hindi iria Jakubu atuire Kwa Labani nieriruo, Ni Ngai ambate Betheli Haria ehitiire; Akiuga we niegwakira; Jehova githinjiro Akihanda ihiga agiitiriria maguta.   4. Riria andu mari ukombo-ini Ni mahinyagiririo, Makaremwo ni gwaka kigongona me kuo; Musa akura andu ukombo-ini Mainukire Kanani; Magakire Ngai wao githinjiro kuo.   5. Jerusalemu yoinagwo Andu othe magitahwo, Magitwaruo Babiloni Magituura kuo miaka. Mirongo mugwanja, Ngai agiconorithia Jerusalem Itura riake ritheru.   6. Danieli akirira muno, Na akirira mahitia Na mehia ma mihiriga Ikum...

 HITHO CIOTHE NA UTHAMAKI 1. Hitho ciothe na uthamaki, Na utonga wothe wa thi ino Muthenya umwe ni igathira.   2. Muthenya ucio Muraika wa iriganiria, Niakeherio ngoro cia andu iririkane, Uhoro wama uria cieragwo.   3. Aria a guku thi makona Jesu agiuka na uthamaki. Hindi iyo miago na ikeno Ciothe cia thi ni igathira.   4. Nduriri ciothe cia thi-ino. Niikagirika na kigi Ithenya ria miago na ikeno,  Ciothe iria meriragiria.   5. Mugwitwo inyuothe na ihenya, Riu ihinda no ta rithiru, Munyaka ni uria ugwitwo Nake oke kwi Jesu erire.   6. Mugwitwo inyuothe na ihenya, Riu ihinda no ta rithiru. Munyaka ni uria ugwitikia Muthenya ucio utanakinya.   7. Mukwiruo withagathage, Muthenya ukirie gukinya. Aingi anyu makorererwo Na mihango ya guku thi.   8. Muthenya uria ciira ukaguurio Mothiu-ini ma nduriri. Mihang’o na miago na ikeno. Cia thi ino ni igathira.   9. Aria atheru muthenya ucio, Murango ni ukahinguruo. Nigetha maheo ikeno, Na tanji merira...

  MUTHIRO WA THI NI MUKINYU TONDU WA URU MUINGI 1.   Muthiro wa thi ni mukinyu,   Tondu wa uru muingi.   Umanite na irindi ciathi,   Nduriri-ini ciothe.   Mwathani Jesu niakamurania   Aria Atheru matwaruo Ikenero   Akararia marekwo mathii,   Gikuu-ini gwa shaitani.     2.   Agaruruki muri Arume   Tondu ni mwaremiruo,   Nigwikuira Mutharaba,   Wa Mathani ma Jesu.     3.   Na inyui migaru muri arumee,   Na inyui no mukarira,   Mwahutatira ikeno cia thi,   Iria mwiriragiria.     4.   Kieha na thina na maithori,   Cietereire aria a thi ino.   Na ruo ruingi rutagathira,   Gikuu-ini gwa Caitani.      5.   Ruo na thina mukonaga,   Na maithori na kieha.   Miago na ikeno itikonwo kuo,   Iria mwir...

ANDU ARIA ATHINGU NA AHORERI JEHOVA NIARIMATURAGIA 1.  Andũ arĩa athingu na ahoreri. Jehova nĩarĩmatũragia. Tondũ wa gĩkuũ kĩa Mwathani. Roho nĩwe mũira wa atheru.   2. Ndongoria Mwathani rũgendo-inĩ, Mbere yakwa kũrĩ ũgwati. Honokia mĩtego-inĩ there. Roho atuĩke nĩwe mũndwari.   3. Ngarari nĩ nyingĩ hĩndĩ ciothe. Cĩa arĩa mathũire Roho wa Ngai. Tondũ mendaga ũmenani. Makamena mũrũ wa Ngai.   4. Roho nĩekuga na akoimbũra. Inyuĩ mũtũraga thĩ nyũmũ. Amwe magathiĩ Jehanamu, Tondũ nĩ marumaga Roho.   5. Thikĩrĩriai arata aitũ. Tũmũhoyagĩra mwĩrĩrire. Thakame ya Jesũ yaitirwo Nĩ gũtheria mehia.   6. Ndamũthaitha mũno mwĩrire, Niĩ ndungata ya Mwathani. Ndaririkana ũrĩa Mũtũngatagĩra mĩhianano.   7. Rĩtwa rĩakwa nĩrĩandĩke, Nĩ Jesũ mbuku-inĩ ya muoyo. Gatũrũme nĩ anjĩrire Ndetĩkia ngahanana nake.   8. Mũthenya ũcĩo mũnene mũno, Maĩtho mothe nĩ makawona. Nigũkahingũrwo kwa ngoma, Aregi gwĩtĩkia maĩkio kuo.   9. Nĩũgaikio mwaki-ĩnĩ mũrata? Kana nĩ ũkw...

  NDURIRI NA IRUKA CIA ANDU 1. Ndũrĩrĩ na ĩruka cĩa andũ, Nĩmũkwirũo mwĩrire, Tondũ Jesũ nĩegũcoka Roho akirie kwambata Nĩ tũthikĩrĩrie Roho, Urĩa ekuga tũike guo, Nake nĩagatũhe thũmbi, Kũria kũrĩ ĩthe Ngai.   2. Roho ekuga nĩekũgetha Thabibu iria njĩru. Ciothe acirute mĩgũnda. Acoke acine mahuti.   3. Inyũiro-inĩ cĩa ndibei Na njohi ĩrĩa ndũrũ. Kũu nĩkuo Roho ekuga, Gũitĩrĩiio ũbiriti.   4. Inyui aruti a magongona, Na indo iria mũrutaga. Na mĩthaiga Roho ekuga. Jesũ ndagaciĩtikia.   5. Andũ arĩa oru na arĩa ehia, Na aremi. na atunyani. Magatuĩrwo ta Judasi. Na itũĩro rĩa Kaini.   6. Wona wehĩa ndũkahithe. Hoya Ngai akuohere. Tondũ Ngai nĩ mũigua Nake nĩegũkuohera   7. Kĩndũ gĩothe kĩrĩ thĩ-ĩno Kĩ mĩhũmũ kiaragia Gĩtekũinĩra Jesũ Gĩkahananio na kĩ?   8. Tiga gũconoka nĩ andũ. Jesũ ndagaconoka Na nĩakanengera o mũndũ Kĩrĩa atũire amwĩtagia.   (Amina)

 ARIA MARI NA HINYA 1. Arĩa marĩ na hinya Nĩarĩa mena wĩtĩkio; Nĩo mekũrũa mbara ino, Na niĩ nĩngũigua ngĩtwo Ngatuike mũthigari, Nginyagĩre arĩa marĩ mbere.   Nĩnjohwo mathaĩta ngarũe mbara; Ndarũa ndahota ngaheo taji, Thũ ciitũ no ĩmenye Iraĩ andũ othe, Ndĩ wa ngerewani wa Jehova.   2. Ndĩrĩgiritanagia na Mũhonokia wakwa, Ndĩyohe mathaita makwa wega; Na nĩngaheo taji Twĩna arĩa matoretie; Kũu igũrũ tene na tene.   3. Ndĩrĩrũaga mbara ĩno Ndĩ na hinya wa Jesũ; Tondũ arĩ na hĩnya wakwa wothe, Nĩkĩo ndingĩtigĩra O na kũndũ gwĩ gĩkuũ; Ngĩnya ngatoria Caitani.   4. Nawe rĩu nĩũiguĩte ũgĩtwo ũkahũrane; Ũtuĩke mũthigari mwega, Jesũ nĩegũgwĩta rĩu Mũkarue mwĩ nake, Nginya mũtorĩe thũ Caitani.   (Amina)

  ITHUI NITUONETE UTHERI 1. Ithuĩ nĩtuonete ũtheri, Ũrĩa wokire thĩ ĩno. Kũmũrĩkĩra andũ othe, Mamũmenye Mwathani.   Andũ nĩmũgwĩtĩkĩra, Ũtherĩ ũmũtherere? Jesũ amũtongoragie, Amwamũranie na thĩ.   2. Tũngĩtongorio nĩ ũtherĩ ũcĩo, Twĩ ngwatanĩro ithuothe. Na tũthambio nĩ thakame ĩyo, Ya Jesũ Mũhonokia.   3. Mwendi wĩhĩa nĩathure ũtheri Utherĩ ũmũtherere. Ndũkamwonie marĩa ekaga, Atĩ nĩmo mawĩhĩa.   4. Andũ tũriai ũtheri tũrĩai, Aingĩ marĩ o ndũma-inĩ Nĩmaremeire mawĩhia-inĩ, Tũrĩa ũtheri wa Ngai.   (Amina)

  GUKU THI GUTIRI HANDU HA GUIKARA 1. Gũkũ thĩ gũtirĩ, Handũ ha gũikara. Na gũtirĩ handũ ingĩhurũka. Ndĩ mũgendj ndorete mũciĩ wa igũrũ. Tondũ nĩkũo njĩrĩirwo gĩkeno.   2. Ngũtũra ndĩhokete rĩtwa rĩa Ngai. Na nũmagĩrĩre watho wake. Tondũ nĩguo mwega. Na ningĩ mũtheru. Na thutha ngacoka kũhurũka.   3. Nĩikagarũrũka kana. Ningĩ njoke na thutha. Tondũ nĩ njĩrĩgĩrĩire muoyo. Na ngerĩgĩngerira maũndũ mũnene, Marĩa ngaheo ndakinya igũrũ.   4. Mbara ĩno nĩ nene, Na ningĩ ĩ hinya. Na nĩnjĩrĩgĩrĩire gũtoria. Ndĩhumbĩte nguo ya gũkirĩrĩria, Hotĩthĩtio nĩ Robo Mũtheru.   5. Ngũtũra njambagia ngoma nginya rĩrĩa ngakua Ndĩna hinya wa Roho Mũtheru. Ngĩonanagia matuĩro marĩa agatuĩrwo Hamwe na arĩa mamumaga thũtha.   6. Nĩnguoya indo ciothe cia Ngai cia Mbara. Njoke njoye gako ka ũthingu. Nioke njoe ngo ĩrĩa nene ya wĩtĩkio. Nĩguo hũrane na mũcukani.   7. Gũkena nĩ andũ arĩa mahetwo kũmenya Tondũ matikahotwo mbara-inĩ. Nimetĩkĩrĩtio kuona wara wothe wa ngoma. Ona mĩt...